• DP amekiri kuwa anamiliki mali ambayo ilianikwa na Waziri Matiang'i wakati wa kuzungumzia usalama wake bungeni
• Alisema anakubaliana na asilimia 70 ya kilichowekwa wazi lakini amekanusha kumiliki shamba la ADC
• Ruto alisema Matiang'i ni mtu mdogo serikalini lakini ameingiwa na kiburi na madharau licha ya kuwa yeye ndiye alimpa kazi

Naibu Rais William Ruto amemtaka waziri wa Usalama wa Ndani Fred Matiang'i kufanyia viongozi wote 'Life style audit'.

Akiongea Septemba 2 mtaani Karen alipokutana na wageni kutoka Nakuru, DP alikiri kumiliki mali ambayo ilitajwa na Matiang'i.

Alisema asilimia 70 ya mali hiyo ambayo ni pamoja na helikopta tano na mamia ya ekari ni matunda ya jasho lake.

"Hawa watu wa OP (afisi ya rais) walinisaidia kufanya life style audit, nilikuwa nimefanyiwa na amagazeti hapo awali lakini sasa wametoa ile haikuwa yangu kama hoteli ya 680. Walipata kama 70% hivi ni kweli," alisema DP.

Alitaja hatua ya Matiang'i kama lifestyle audit na kumtaka kuendelea na kuwafanyia viongozi wengine pia.

"Sasa tuendelee hivyo, namna hiyo ... tuambiwe ya ule mwingine na mwingine, hiyo ni sawa," alisema Ruto

Matiang’i aliiambia kamati hiyo kwamba DP anamiliki kituo cha gesi mtaani Kitengela, shamba la Murumbi lenye ekari 395 huko Transmara Narok na lingine la ekari 6,073- ADC Laikipia Mutara Ranch.

Mali zingine zilizoorodheshwa zinazolindwa na maafisa wa polisi ni: Hoteli ya Dolphine, Mombasa (LR. MN / 1/3266) -3 Ekari (6), Shamba la Mata - Taita Taveta (LR. 10287/10 & 11) Ekari 2,537 (6), Makazi yake ya Kibinafsi Elgon View Eldoret (4).

Shamba la Kuku la Koitalel Eldoret (4), makaazi ya Kibinafsi eneo la Kosachei Eldoret (Magereza 3, 1 AP), Kwae Island Development Ltd - Uwanja wa ndege wa Wilson (helikopta 5 za DP).

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690

Tazama Video Kemkem za Kusisimua Kutoka hapa TUKO.co.ke

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZ4F5gJRmn6Kxn2K7qnnMmqOiZamWu6jBjJ2nZqqlqbxurcywmKaamZZ6rq3Topinn5lir6Ktw5pkspldoMKiusikmGatpJa3qr7IZq6ao5VjtbW5yw%3D%3D